ترکی اور روس کے درمیان تعلقات کو فروغ دینے کا عندیہ

ترکی   اور روس   توانائی کے شعبے میں    وسیع  پیمانے کے منصوبوں   کے لیے  ایک مشترکہ   سرمایہ کاری  فنڈ تشکیل دیں گے۔

وزیر اعظم  بن    علی یلدرم نے  روسی دارالحکومت   ماسکو  میں مذاکرات  کے دائرہ کار میں     صدر مملکت   ولادیمر پوتن   اور   وزیر اعظم  دیمتری     میدیودیف    سے ملاقاتیں کیں۔

مذاکرات   کا اہم ترین معاملہ   شام کی تازہ صورتحال  اور خاصکر    حلب  کا انسانی المیہ    تھا۔

حلب میں   در پیش انسانی المیہ  کا سد باب کرنے  اور    وہاں  تک  انسانی امداد    بھیجنے  کے اہم ہونے پر زور دینے والے ترک وزیر اعظم کا کہنا تھا کہ   اس معاملے میں  ترکی اور روس نے اپنی اپنی خدمات فراہم کی ہیں  لہذا   ہم  شام میں  مسئلے کے حل کے مزید قریب     پہنچ  گئے  ہیں۔

حلب   میں    ڈھیرے جمانے والی   دہشت   گرد تنظیموں کا وجود پائے جانے پر   زور دینے والے    دیمتری   میدیودیف  کا کہنا تھا کہ  شام کا استحکام سے ہمکنار ہونا اور  یہاں  پر حالات کومعمول پر لانا  ہماری اولیت کے معاملات میں  شامل  ہے۔

دونوں  ملکوں کے  بیچ     توانائی کے    بڑے منصوبوں کے  حوالے سے  بھی اقدامات اٹھائے گئے ہیں۔

جناب یلدرم  کا کہنا تھا کہ  " نکلیئرانرجی     کے معاملے میں ہم آک کویو کو ایک  سٹریٹیجک    منصوبے   کے طور پر   دیکھتے ہیں۔  اب کے بعد کا ہدف اس منصوبے کو    سرعت سے  پایہ   تکمیل  تک پہنچایا ہے،  ہماری تمنا  ہے کہ  جمہوریہ ترکی صد سالہ سالگرہ تک  اس  کا     کم از کم ایک حصہ   مکمل ہو  جائے۔

مشترکہ   سرمایہ کاری فنڈ    کو تشکیل دینے   کا فیصلہ کرنے  کا ذکر کرنے والے میدیودیف نے  بتایا کہ   مختلف منصوبوں    کی مالی اعانت کی جائیگی اور  تیسرے  ملکوں     میں بھی   مشترکہ     منصوبوں  پر  مل کر کام کیا جائیگا۔

روسی قدرتی گیس کی  براستہ ترکی  یورپ   ترسیل     پر مبنی   ٹرکش   اسٹریم  منصوبے   کے اب  ماسکو  کی منظوری کے مرحلے پر ہونے    کی وضاحت کرتے ہوئے روسی وزیر اعظم نے کہا کہ  "صدر ایردوان    نے بھی اس سے متعلقہ  قانون کی منظوری دے دی ہے۔ عنقریب     ہم بھی اس کی منظوری دیتے ہوئے ابتدائی مرحلے کو   مکمل کر لیں گے۔

ترک وزیر اعظم نے   صدر  پوتن سے  بھی ملاقات  کی   جو  کہ  ایک  گھنٹہ15 منٹ تک جاری  رہی، اس دوران دو طرفہ    تعلقات  پر   جامع طور پر    غور    کیا گیا۔

بن علی یلدرم  نے اس حوالے سے بتایا  ہے کہ  "زراعت، ٹورزم، نقل و حمل، تجارت اور صنعت کی طرح کے شعبہ جات میں    دو طرفہ سرمایہ کاری کو فروغ     دینے کے        حوالے سے     امور  سر انجام   دیے جائینگے۔ ہم ان معاملات پر اپنی  بھر پور جدوجہد   کریں گے۔ "

وزیر اعظم یلدرم اور  صدر  ولادیمر   پوتن کی ملاقات کے حوالے سے کریملن  نے ایک  اعلامیہ جاری کرتے ہوئے کہا ہے کہ ،   پوتن ، جناب ایردوان  کی    ٹرکش اسٹریم  معاہدے   کی   حمایت         کرنے    پر  خوش  ہیں۔  وزیر اعظم یلدرم کا دورہ روس     نئے  اعلی سطحی  تعلقات  کی بنیاد کو تشکیل دیتا ہے۔