15 جولائی کا حملے کا اقدام جمہوریت کے راستے کو روکنے کی کوشش تھا
جتنے چاہیں ٹینک، توپیں اور ایف ۔16 اکٹھے کر لیں، اس حقیقت کو نہیں بدل سکیں گے کہ ملت کے سامنے آپ کی کوئی طاقت اپنا لوہا نہیں منوا سکتی۔ صدر رجب طیب ایردوان
ترکی کے صدر رجب طیب ایردوان اور وزیر اعظم بن علی یلدرم نے ضلع کیسری میں سابقہ صدر عبداللہ گل کے نام پر قائم عبداللہ گل یونیورسٹی کے کیمپس میں تعمیر کئے گئے عجائب بھر اور لائبریری کا افتتاح کیا۔
تقریب سے خطاب کرتے ہوئے صدر رجب طیب ایردوان نے کہا ہے کہ 15 جولائی کا حملے کا اقدام جمہوریت کے راستے کو روکنے کی کوشش پر مبنی آخری اقدام تھا۔
انہوں نے کہا کہ ملک کے اندر اور باہر سے یہ قدم اٹھا کر ہمارے راستے کو روکنے والے ترک ملت کی مزاحمت کی وجہ سے کامیاب نہیں ہو سکے۔
صدر ایردوان نے کہا کہ جتنے چاہیں ٹینک، توپیں اور ایف ۔16 اکٹھے کر لیں، اس حقیقت کو نہیں بدل سکیں گے کہ ملت کے سامنے آپ کی کوئی طاقت اپنا لوہا نہیں منوا سکتی۔
انہوں نے کہا کہ اس ملت نے 16 گھنٹوں میں اس حملے کو اپنے حق میں تبدیل کر لیا۔ میں اس حملے میں جان سے محروم ہونے والے سب شہدا کے لئے رحمت باری تعالٰی کا اور غازیوں کے شفا کا متمنی ہوں۔
