چناق قلعے میں ایک کارگو بحری جہاز کے ذریعےغیر ممالک جانے کے خواہاں 370 افراد کو حراست میں لے لیا گیا
بحری جہاز کے کپتان کیجانب سے بحری جہاز کو نہ روکے جانے کی وجہ سے کوسٹ گارڈ نے کارگو جہاز کو ساحل کے قریب روک لیا اور کوسٹ گارڈ کے عملے نے بحری جہاز پر چڑھنے کے بعد جہاز کی تلاشی لی
608040
ترکی کی کوسٹ گارڈ نے چناق قلعے میں ایک کارگو بحری جہاز کے ذریعے غیر ممالک جانے والے 370 افراد کو حراست میں لے لیا ہے۔
بحیرہ مرمرہ سے ہوتے ہوئے چناق قلعے جانے والے کارگو بحری جہاز کو ایجے آباد کے قریب کوسٹ گارڈ نے روک لیا ۔
بحری جہاز کے کپتان کیجانب سے بحری جہاز کو نہ روکے جانے کی وجہ سے کوسٹ گارڈ نے کارگو جہاز کو ساحل کے قریب روک لیا اور کوسٹ گارڈ کے عملے نے بحری جہاز پر چڑھنے کے بعد جہاز کی تلاشی لی ۔
تلاشی کے دوران مختلف ممالک سے تعلق رکھنے والے 370 افراد کو حراست میں لے لیا گیا جنہیں ایک کشتی کے ذریعے ساحل تک پہنچایا گیا۔
ان غیر قانونی افراد سے پوچھ گچھ کے بعد انہیں اپنے اپنے ملک واپس بھیجنے کے لیے پولیس کے حوالے کر دیا گیا ہے۔