اوپیک تنظیم کا استنبول میں اہم اجلاس

پیٹرول برآمد کرنے والے ملکوں کی تنظیم  اوپیک     بروز  بدھ  استنبول  میں     تیل کی پیداوار میں      کمی لانے کے  معاملے پر  غور  کرے گی۔

اوپیک کے  سیکرٹری جنرل   محمد  بارکینڈو نے   استنبول مین   23  ویں     عالمی توانائی کنونشن    میں  خطاب کے بعد  اخباری نمائندوں کے  سوالات   جواب دیتے ہوئے کہا کہ     اوپیک    کے رکن ممالک   کے گزشتہ   ماہ   الجزائر  میں  غیر سرکاری اجلاس   میں تیل  کی  پیداوار میں کٹوتی   کا فیصلہ ایک اہم موڑ ثابت  ہوا ہے۔

انہوں نے کہا کہ استنبول    میں  اسی موضوع  کے حوالے سے     دو طرفہ اور    مشترکہ اجلاس  کا اہتمام    ایک اہم موقع  ثابت  ہو گا۔ یہاں پر منعقد ہونے والے اجلاس میں   اوپیک کے رکن    اورغیر رکن ملکوں    سے ہم کسی  مشترکہ   نظریے پر  اتفاق  کرنے کی   توقع  رکھتے ہیں۔

بارکینڈو نے   الجزائر کے  اجلاس میں   تیل کی   زیادہ سے زیادہ  پیداوار     کا تعین کیے جانے    کی  یاد دہانی کراتے ہوئے    کہا  کہ  "ہمارے اب کے بعد کے مذاکرات   کی بنیاد   یہی   معاملہ ہو گا۔   روسی صدر نے  بھی اس سلسلے میں انتہائی     تعمیری  کردار ادا کیا تھا۔  سعودی  عرب کا بھی کچھ یہی مؤقف   رہا تھا۔  لہذا ہم  اس فیصلے پر عمل درآمد کے لیے   کسی تعمیری          پیش رفت کی  امید رکھتے ہیں ، کل کے اجلاس میں   وزراء  توانائی  بھی شریک ہوں گے۔