صدر مصطفیٰ عاکنجی اور نیکوس اناستایا دس کی غیر جانبدار علاقے میں ملاقات

 شمالی قبرصی ترک جمہوریہ کے صدر مصطفیٰ عاکنجی نے قبرصی  یونانی انتظامیہ کے رہنما  نیکوس اناستایا دس کیساتھ غیر جانبدار علاقے میں ملاقات کی ہے ۔

 دو نوں سربراہان نے اقوام متحدہ کے سیکریٹری جنرل کے خصوصی نمائندے ایسپن بارتھ عائدے کی میزبانی میں اقوام متحدہ کے آفس میں ملاقات کی ۔  تقریباً  ساڑھے تین گھنٹے تک جاری ان  مذاکرات میں  ترک مذاکرہ کار اوز دل نامی ، قبرصی یونانی مذاکرہ کار اندرییاس ماورویانیس اور دیگر اعلیٰ حکام بھی موجود تھے ۔

بند کمرے میں ہونے والے ان  مذاکرات کے بعد کوئی اعلان جاری نہیں کیا گیا ۔

قبرص  میں صدر مصطفیٰ عاکنجی کے بر سر اقتدار آنے  کے بعد15 مئی 2015 میں نئے سرئے سے شروع ہونے والے مذاکرات وسیع پیمانے پر  جاری ہیں ۔