بغاوت کی کوشش کے  ذریعے قوم سے خیانت کرنے والے اس  جتھے  کو منہ کی کھانی پڑے گی: صدر ایردوان

صدر رجب  طیب  ایردوان    کا کہنا ہے  کہ      بغاوت کی کوشش کے  ذریعے    قوم سے   خیانت   کرنے       والے اس  جتھے      کی  جڑوں کو  کاٹ    دیا جائیگا۔

انہوں نے کہا کہ" اگر ضرورت پڑی تو          ہم     سالہا  سال  تک اس کا ہرجانہ  ادا کریں   گے  لیکن عوام  کو     متاثر ہونے کی   اجازت  نہیں  دیں گے، ہم       کئی برسوں سے  اسی حساسیت     کا مظاہرہ   کرتے چلے آرہے ہیں ،  ہم نے کسی بھی قسم کی قربانی سے دریغ نہیں کیا۔  بڑے افسوس سے کہنا  پڑتا ہے کہ ان غداروں نے   اس شب  اس وطن کے  240 جیالوں کو شہید    اور  2 ہزار  سے زائد کو زخمی کرتے ہوئے    عوام کو  نشانہ بنایا  ۔  اب ہم سب  کا فرض ہے کہ  غداروں کو  ان   کے  کیفرِ کردار  تک پہنچاتے  ہوئے   دہشت گرد تنظیم فیتو کی جڑوں  کو مکمل طور پر کاٹ دیا جائے۔"

صدر   ایردوان نے     جسٹس اینڈ ڈویلپمنٹ   پارٹی  کے قیام  کی 15 ویں  سالگرہ       کے موقع پر               پارٹی کے   مرکزی دفتر کے سامنے  منعقدہ خصوصی تقریب  سے     ویڈیو کانفرس کے ذریعے     خطاب کیا۔

ان کا کہنا تھا انہیں     پارٹی کا بانی   چیئر مین      ہونے پر فخر ہے،  لیکن وہ          آک پارٹی  کے ساتھ  اپنے  قانونی تعلق کو   27 اگست  سن 2014  کے ہنگامی     کنونشن    میں   ختم کرنے پر مجبور ہو گئے  تھے تا ہم  اس سے میرا  قلبی رابطہ       مسلسل   قائم و دائم ہے۔

صدر ترکی نے  اس دوران   دہشت گرد تنظیم فیتو  کا حوالہ  دیتے ہوئے   کہا کہ   یہ   تنظیم مختلف حربوں کو  بروئے  کار لارہی ہے، تا ہم اسے ہمیشہ ناکامی کا ہی منہ   دیکھنا پڑا ہے۔

"15 جولائی کی شب    کے واقعات کے   ملکی تاریخ اور  ان کے ماضی   کے حوالے سے بھی   خونی ترین   غدارانہ    کاروائیاں ہونے کی وضاحت کرنے والے جناب  ایردوان نے بتایا کہ  اس شب ترک مسلح افواج  میں    سرایت کرنے والے   فیتو کے  ایک   دہشت گرد فوجی ٹولے کی گھناؤنی   چال    کو عوام نے یک آواز  اور یک جان  بنتے  ہوئے ناکام کر دیا  ہے۔

سات اگست   کے روز   استنبول کے ینی قاپی     اسکوائر میں سیاسی  پارٹیوں کے  رہنماؤں  اور ہر حلقے سے     شہریوں   کا  یکجا ہونے     ملک کے لیے  ایک نئے باب کے آغاز کا مژدہ  دیتا ہے    اور   میں  سمجھتا ہوں کہ   ترکی       کے  اتحاد و یکجہتی ، بھائی چارے  کے معاملات     میں   پیش   قدمی     آئندہ  بھی جاری رہے گی۔

صدر ترکی نے  ٹویٹر   پر اپنے پیغام میں کہا ہے کہ  آک پارٹی     کا قیام   14 اگست سن 2001 کو قوم  و ملت    کی حق و آزادی  کی تلاش    کا جواب  دینے کی خاطر      عمل میں  آیا تھا۔

اس  جماعت نے ترکی کی راہ ہموار کرنے میں   اہم   اور عظیم کردار    ادا کیا ہے۔