ایک میلین چار لاکھ آرمینیوں کی ہلاکت کے دعوے بے بنیاد

صدر رجب طیب ایردوان نے کہا ہے کہ آرمینیا کو 1915 کے واقعات میں ایک میلین چار لاکھ آرمینیوں کی ہلاکت کے دعووں کا دستاویزات کیساتھ ثبوت پیش کرنے کی ضرورت ہے ۔
انھوں نے قطر کے سرکاری دورے پر روانگی سے قبل انقرہ کے ایسن بوعا ہوائی اڈے پر صحافیوں کیطرف سے روس کے صدر ولادیمر پوتن اور فرانس کے صدر اولاند کی 24 اپریل کو آرمینیا کے دارالحکومت ایریوان میں منعقدہ تقریب میں شرکت کی یاددہانی کے جواب میں کہا کہ میں صدر ولادیمر پوتن سے خفا ہوں۔
روس کو پہلے اپنی تاریخ کا جائزہ لینے کی ضرورت ہے ۔ ماضی میں جانے کی ضرورت نہیں ہے ۔یوکرین ،کریمیا اور ڈونیٹس کے حالات سے پوری دنیا واقف ہے ۔ا نھیں پہلے اس ضمن میں جوابدہی کی ضرورت ہے۔ترکی نے تاریخ کے کسی بھی دور میں نسل کشی نہیں کی ہے ہم نے بار ہا یہ واضح کیا ہے کہ ہم 1915 کے واقعات سے متعلق اپنے ریکارڈ کو کھولنے کے لیے تیار ہیں ۔آرمینیا اور دیگر ممالک کے پاس جو دستاویزات ہیں وہ بھی انھیں منظر عام پر لائیں ۔ ۔ہم نے 24 اپریل کو چناق قلعے میں جو تقریب منعقد کی ہے اس کا مقصد آرمینیوں کیخلاف منصوبہ بندی کرنا نہیں تھا ۔ ہم نے اس دن چناق قلعے ظفر کی صد سالہ یاد منائی ہے ۔