صدر ایردوان قازقستان روانہ

صدر رجب طیب ایردوان قازقستان کے سرکاری دورے کی غرض سے دارالحکومت آستانہ تشریف لے گئے ہیں۔
اپنے دورے کے حوالے سے انقرہ کے ہوئی اڈے پر معلومات فراہم کرنے والے جناب ایردوان نے بتایا کہ قازقستان، ترکی کا نہ صرف دوست اور برادر ملک ہے بلکہ اس کے ساتھ ساتھ ایک سڑیٹیجک شراکت دار بھی ہے۔
قازقستان کے صدر نظار بائیوف کے سن 2009 میں دورہ ترکی کے دوران ایک تاریخی قدم اٹھاتے ہوئے حکمت عملی شراکت داری معاہدے پر دستخط کیے جانے کی یاد دہانی کرانے والے ایردوان نے بتایا کہ سن 2012 میں دونوں ملکوں کے درمیان قائم کردہ اعلی سطحی حکمت عملی تعاون کونسل کا پہلا اجلاس ترکی میں منعقد ہوا تھا۔
انہوں نے بتایا کہ اس سلسلے کا دوسرا اجلاس اس دورے کے دوران سر انجام پائے گا۔
صدر ایردوان آستانہ میں ترک محکمہ مذہبی امور کی جانب سے تعمیر کروائی گئی ایک جامع مسجد کا افتتاح بھی کریں گے۔