فرانسیسی صدر سے ایردوان کا اظہارِ تعزیت

صدر رجب طیب ایردوان نے اپنے فرانسیسی ہم منصب فرانسواں اولاند کو ٹیلی فون کرتے ہوئے پیرس کے دہشت گرد حملے میں جانوں سے ہاتھ بیٹھنے والوں کے لیے اظہارِ تعزیت کیا۔
صدارتی محل کے ذرائع سے حاصل کردہ معلومات کے مطابق صدر ایردوان نے اس بات چیت کے دوران کہا کہ ترکی اس مشکل گھڑی میں فرانس کے ساتھ ہے، اور دہشت گردی کے خلاف جدوجہد کے معاملے یہ ہر طرح کے تعاون کی فراہمی کا خواہاں ہے۔
اس قسم کے حملوں سے دہشت گردی کے خلاف جنگ کے عزم کو مزید تقویت دینے کی ضرورت کی ایک بار پھر تائید ہونے کی وضاحت کرنے والے ایردوان نے پیرس کے مذموم حملے میں جان بحق ہونے والے کے لواحقین اور عزیز اقارب سمیت تمام تر فرانسیسی عوام سے اظہارِ تعزیت کیا۔
صدر اولاند نے ایردوان کی اس موضوع پر حساسیت کا شکریہ ادا کرتے ہوئے کہا "ہم یہ جانتے ہیں کہ ترکی ہمارے شانہ بشانہ ہے۔"
انہوں نے کہا کہ دہشت گرد اسلام کے معاملے میں ذہنوں کو الجھاتے ہوئے سماجی امن کو بگاڑنے کا مقصد رکھتے ہیں، لیکن ہم ان کی اس گھناؤنی چال میں نہیں آئیں گے۔
فرانسیسی صدر نے دہشت گردی کے خلاف جدوجہد میں باہمی تعاون کو فروغ دینے کے معاملے پر ترکی کے ساتھ اتفاق رائے رکھنے کا بھی کہا۔