لیبیا میں ایک فوجی گروپ نے نو ترکوں کو یرغمال بنا لیا

لیبیا میں رہائش پذیر نو ترک باشندوں کو بن غازی سے مصراتا سفر کے دوران ایک فوجی گروپ کیطرف سے یرغمال بنا لیا گیا ہے ۔وزارت خارجہ کے قونصلیٹ جنرل کےکال سینٹر کو ایک ترک باشندے نے فون کر کے بتایا کہ بن غازی میں ملازمت کرنے والے اپنے ایک عزیز سے ان کا رابطہ قائم نہیں ہو رہا ہے ۔جس کے بعد قونصل خانے کا عملہ حرکت میں آ گیا ۔تحقیق کے بعد نو افراد کے لاپتہ ہونے کی حقیقت سامنے آئی ۔ یہ نو ترک باشندے لیبیا سے واپس آنے کے لیے بن غازی سے مصراتا جا رہے تھے کہ ایک فوجی گروپ نے انھیں یرغمال بنا لیا ۔ وزارت خارجہ نے انقرہ میں لیبیا کے سفارتخانے سے ان ترکوں کے بارے میں معلومات فراہم کرنے کا مطالبہ کیا ہے ۔