صدرایردوان قومی سلامتی کونسل کے اجلاس کی پہلی بار صدارت کریں گے

صدارتی انتخابات کے بعد رجب طیب ایردوان پہلی بار صدر کی حیثیت سے قومی سلامتی کونسل کے اجلاس کی صدارت کریں گے۔
اس اجلاس میں احمد داؤد اولو وزیراعظم کی حیثیت سے پہلی بار شرکت کریں گے۔
قصر چانکایہ میں دوپہر دو بجے شروع ہونے والے اجلاس میں نائب وزیر اعظم نعمان کرتولمش ، نائب وزیراعظم یالچین آق دوان اور وزیر خارجہ مولود چاوش اولو بھی پہلی بار شرکت کررہے ہیں۔
اس اجلاس میں ریاست کے اندر موجود ریاست کو ناکام بنانے میں مصروف اور ریاستی اداروں کے اصولوں کی پیروی نہ کرنے والے متوازی ڈھانچے کے خلاف جدو جہد کے موضوع پر غور کیا جائے گا۔
اس طرح " ریڈ بک" کے نام سے مشہور قومی سلامتی کی سیاسی دستاویز کو نئی شکل دینے کی بھی کوشش کی جائے گی۔
اس طرح متوازی ڈھانچے کے قومی سلامتی کے خلاف برسر پیکار ہونے کی وجہ سے اسے بھی ملکی سلامتی کے خلاف عناصر کی کیٹگری میں شامل کرلیا جائے گا۔
قومی سلامتی کے اجلاس میں ترکی- عراق اور شام کی سرحدوں کی تازہ ترین صورت حال پر بھی غور کیا جائے گا۔
داعش دہشت گرد تنظیم کے خلاف جدوجہد کا موضوع بھی اس اجلاس کے اس ایجنڈے میں شامل ہوگا