وزیر اعظم رجب طیب ایردوان نے غزہ کے زخمیوں کی عیادت کی
غزہ کی ایک چھوٹی بچی کے ساتھ باتیں کرتے ہوئے وزیر اعظم ایردوان جذباتی ہو گئے
وزیر اعظم رجب طیب ایردوان نے ترکی میں زیر علاج غزہ کے زخمیوں کی عیادت کی۔
غزہ کی ایک چھوٹی بچی کے ساتھ باتیں کرتے ہوئے وزیر اعظم ایردوان جذباتی ہو گئے۔
ترکی ، غزہ پر اسرائیلی حملوں کے دوران زخمی ہونے والوں کے علاج کے لئے متحرک ہو گیاہے۔
وزیر اعظم ایردوان نے بھی ینی محلّے سرکاری ہسپتال میں زیر علاج فلسطینیوں کو تنہا نہیں چھوڑا۔
وزیر اعظم نےوزیر صحت مؤذن اوعلو کے ہمراہ زخمیوں کی عیادت کی اور ان کی صحت کی صورتحال کے بارے میں معلومات حاصل کیں۔
ان کی زخمی بچی کے ساتھ بات چیت قابل دید تھی۔
زخمی بچی نے کہا کہ " آپ کی کامیابی ہماری کامیابی ہے۔ ہمیں یہاں لانے پر میں آپ کا بہت شکریہ ادا کرتی ہوں۔ یہاں سے جانے کے بعد ہم ثابت کریں گے کہ ہم ان میزائلوں سے زیادہ طاقتور ہیں جو ہمارے اوپر برس رہے ہیں"۔
غزہ کی بچی اور وزیر اعظم ایردوان نے ایک دوسرے کو تسبیح کا تحفہ دیا۔
وزیر اعظم نے بچی کی آٹو گراف کی خواہش کو بھی رد نہیں کیا۔
واضح رہے کہ ینی محلّے سرکاری ہسپتال میں 5 بچوں سمیت 15 غزہ کے باشندے زیر علاج ہیں۔