برطانیہ: 2009 کے بعد پیدا ہونے والوں کے ہاتھ سگریٹ کی فروخت بند کر دی گئی

برطانیہ میں، 2009 کے بعد پیدا ہونے والوں کے ہاتھ، سگریٹ کی فروخت بند کر دی گئی ہے۔

کل ہاوس آف کامنز میں 67 منفی ووٹوں کے مقابل 383 مثبت ووٹوں سے منظور ہونے والے قانونی بِل کی رُو سے نئی نسل کو زندگی بھر سگریٹ نہیں مِل سکے گا۔

اس قانون کے ساتھ، ملک میں "سگریٹ نوشی سے پاک" نسل پیدا کرنے کے لئے، یکم جنوری 2009 کے بعد پیدا ہونے والوں کے ہاتھ سگریٹ کی فروخت ممنوع کر دی گئی ہے۔

قانون کے نفاذ کے بعد رواں سال 15 ویں سال میں داخل ہونے والے بچے زندگی بھر سگریٹ نہیں پی سکیں گے۔

مذکورہ قانون سگریٹ نوشی کی ممانعت پر نہیں صرف یکم جنوری 2009 کے بعد پیدا ہونے والوں کے ہاتھ سگریٹ کی فروخت کی ممانعت پر مبنی ہے۔

واضح رہے کہ برطانیہ کے قومی محکمہ شماریات کے مطابق 2022 میں ملک کی بالغ آبادی کا 12،9 فیصد سگریٹ نوشی کرتا ہے۔

مذکورہ سے مشابہہ قانونی بِل نیوزی لینڈ میں بھی منظور کیا گیا تھا لیکن نفاذ سے پہلے ہی نئی کولیشن حکومت  کی طرف سے کالعدم کر دیا گیا تھا۔