چین میں برڈ فلو کے A (H3N8) سے متاثرہ شخصجان بحق

چین نے ورلڈ ہیلتھ آرگنائزیشن (ڈبلیو ایچ او) کو اطلاع دی ہے کہ برڈ فلو کے A (H3N8) تناؤ سے متاثرہ ایک شخص کی موت  واقع ہوگئی ہے۔

ڈبلیو ایچ او کے ایک تحریری بیان کے مطابق، چین کے نیشنل ہیلتھ کمیشن نے 27 مارچ کو ایک شخص میں اے (H3N8) وائرس کے موجود  ہونےکی  معلومات شیئر کی ہیں ۔

اطلاع کے مطابق  اس وائرس سے  3 افراد A (H3N8) سے متاثر ہوئے ہیں اور  تمام کیسز چین میں دیکھے گئے ہیں۔

بتایا گیا کہ چین میں برڈ فلو سے متاثر ہونے والی مریضہ گوانگ ڈونگ صوبے کی رہنے والی 56 سالہ خاتون ہے۔

یہ خاتون اس بیماری میں  22 فروری کو مبتلا ہوئیں اور  3 مارچ کو شدید نمونیا کی وجہ سے اسے ہسپتال  متقل کیا گیا  جہاں وہ 16 مارچ کو ہلاک ہوگئیں۔

نئے رپورٹ شدہ کیس پر وبائی امراض کی تحقیق اور قریبی رابطے کا سراغ لگایا گیا، متاثرہ فرد کے رابطے میں کسی اور کیس کی کوئی اطلاع نہیں ملی ہے۔

یہ خیال کیا جاتا ہے کہ یہ وائرس آسانی سے ایک شخص سے دوسرے میں نہیں پھیلتا، اس لیے انسانوں میں اس کے منتقل ہونے کے امکانات بہت ہی کم ہیں۔

چین کے نیشنل ہیلتھ کمیشن نے اپریل 2022 میں اعلان کیا تھا کہ برڈ فلو کی A (H3N8) قسم کے پہلے انسانی انفیکشن کا پتہ چلا ہے۔