ٹک ٹاک ایپ کا مسئلہ،مائیکرو سافٹ کنٹرول میں ناکام ہو گئی
واضح رہے کہ امریکی صدر ٹرمپ نے ٹک ٹاک کی سرگرمیوں کو ملکی قومی سلامتی کے لیے خطرہ قرار دے دیا تھا اور کہا تھا کہ وہ اس ایپ پر پابندی لگانا چاہتے ہیں
1490325
امریکی کمپنی مائیکروسافٹ کی مقبول ویڈیو ایپ ٹک ٹاک کے امریکہ میں کاروبار کو اپنے کنٹرول میں لینے کی کوششوں میں ناکام ہو گئی ہے۔
مائیکروسافٹ نے اعلان کیا کہ چینی کمپنی ٹک ٹاک کے مالک ادارے "بائٹ ڈانس" نے اس کی طرف سے کی گئی پیش کش مسترد کر دی ہے۔
اس کے برعکس اس نے امریکہ میں ٹک ٹاک کے آپریشنز کی نگرانی کے لیے امریکی ٹیکنالوجی کمپنی اوریکل کی قیادت والے ایک کنشورشیم کا انتخاب کر لیا ہے۔
واضح رہے کہ امریکی صدر ٹرمپ نے ٹک ٹاک کی سرگرمیوں کو ملکی قومی سلامتی کے لیے خطرہ قرار دے دیا تھا اور کہا تھا کہ وہ اس ایپ پر پابندی لگانا چاہتے ہیں۔ اسی لیے صدر ٹرمپ نے بائٹ ڈانس کو ہدایت کی تھی کہ وہ امریکہ میں ٹک ٹاک کا کاروبار اگلے 90 دنوں میں کسی امریکی کمپنی کو فروخت کر دے۔
