اب کے بعد امریکی خلاء بازمدار میں مستقل طور پر موجود رہیں گے: جیمز برائڈنسٹائن

امریکہ کے خلائی ادارے ناسا کے نئے سربراہ جیمز برائڈنسٹائن نے کہا کہ اب کے بعد امریکی خلاء بازمدار میں  مستقل طور پر موجود رہیں گے۔

تعیناتی کے بعد پہلی دفعہ اخباری نمائندوں کے ساتھ ملاقات میں برائڈنسٹائن نے کہا ہے کہ سال 2025 کے بعد بین الاقوامی خلائی اسٹیشن میں انتظامی صلاحیت کی منتقلی کے بارے میں اس  وقت ناسا نجی کمپنیوں کے ساتھ بات کر رہا ہے لیکن حتمی فیصلہ منصوبے کے ساجھے دار 21 ممالک  کے ساتھ مل کر کیا جائے گا۔

برائڈنسٹائن نے کہا کہ خواہ کچھ بھی ہو ایسا کوئی دور نہیں ہو گا کہ جب خلاء میں امریکی خلاء باز موجود نہ ہوں۔

انہوں نے کہا کہ رواں مہینے میں ہائی اسکول سے فارغ التحصیل ہونے والے ہمارے بچوں  میں سے سب کے سب خلاء باز بن گئے ہیں اور ہم اسے ہمیشہ جاری رکھنا چاہتے ہیں۔

انہوں نے مزید کہا کہ مستقبل  کے مریخ مشنوں سے قبل خلاء بازوں کا چاند کو "تجرباتی فیلڈ" کے طور پر استعمال کرنا ضروری ہے۔

توقع کی جا رہی ہے کہ ٹرمپ انتظامیہ  کے سال 2019 کے بجٹ مسودے میں بین الاقوامی خلائی اسٹیشن  کے لئے مختص کردہ فنڈ کو سال 2025 میں ختم کر دیا جائے گا۔