حکومت کیوبا اور گوگل میں معاہدہ
گوگل اور متعلقہ کمپنی کے درمیان دارالحکومت ہوانا میں یہ معاہدہ طے ہوا جس کے نتیجے میں اب کیوبا کی عوام بھی گوگل ،یو ٹیوب اور جی میل کی سہولت سے فائدہ اٹھائے گی
629418
کیوبا کی سرکاری ٹیلی مواصلاتی کمپنی ETECSA اور گوگل کے درمیان معاہدہ طے ہو گیا ہے۔
گوگل اور متعلقہ کمپنی کے درمیان دارالحکومت ہوانا میں یہ معاہدہ طے ہوا جس کے نتیجے میں اب کیوبا کی عوام بھی گوگل ،یو ٹیوب اور جی میل کی سہولت سے فائدہ اٹھائے گی ۔
واضح رہے کہ کیوبا میں انٹر نیٹ کی رفتار دیگر ممالک کے مقابلے میں کافی کم ہے جہاں گھروں کی اکثریت بھی اس سے محروم ہے ۔
کیوبا میں اس وقت انٹر نیٹ کی فی گھنٹہ اجرت دو امریکی ڈالر کے مساوی ہے۔
یاد رہے کہ امریکی صدر براک اوباما کے دورہ کیوبا کے دوران تعلیم،صحت اور مواصلاتی شعبوں میں تعاون کی یقین دہانی کروائی گئی تھی۔
