سویڈن کے شاہ کارل گسٹاف کیطرف سےترک سائنسدان سنجار کوایوارڈ

ترک سائنسدان عزیز سنجار کو سویڈن کے دارالحکومت سٹالک ہالم میں منعقدہ ایک تقریب کے دوران نوبل کیمیاء ایوارڈ سے نوازا گیا ۔ انھیں یہ ایوارڈ سویڈن کے شاہ کارل گسٹاف نے پیش کیا ہے ۔
نوبل ڈپلومہ اور گولڈ میڈل کے علاوہ انھیں آٹھ لاکھ پچاس ہزار یورو کا چیک بھی دیا گیا ۔ سنجار نے اس موقع پر خطاب کرتے ہوئے کہا کہ اس ایوارڈ سے ترکی کا سر فخر سے بلند ہو گیا ہے جس سے مجھے از حد خوشی ہوئی ہے ۔ پروفیسر ڈاکٹر عزیز سنجار کو ڈی این اے کے متاثرہ خلیات کو صحت یاب بنانے اور جینیٹک معلومات کو محفوظ رکھنے والے نقشے کی تیاری کیوجہ سے نوبل کیمیاء ایوارڈ کا حقدار قرار دیا گیا تھا ۔