آٹھ گھنٹے سونا صحت کےلیے خطرناک ہو سکتا ہے

امریکی ماہرین نے ایک تحقیق میں یہ انکشاف کیا ہے کہ سات گھنٹے سونا صحت کے لئے بہترین مگر آٹھ گھنٹے سے زیادہ نیند لینا صحت کے لئے نقصان دہ ہو سکتا ہے۔
ایریزونا یونیورسٹی میں ہونے والی ایک تحقیق میں یہ بات سامنے آئی ہے کہ معمول سے زیادہ نیند لینا بھی دراصل حفظان صحت کے خلاف ہے۔
ماہرین کا کہنا ہے کہ سات گھنٹے کی نیندصحت کے لئے بہترین ہے اور اس سے قبل از وقت موت کے خطرات بھی کافی حد تک کم ہو جاتے ہیں۔
تحقیق میں یہ بات بھی سامنے آئی ہے کہ آٹھ گھنٹے سے زیادہ سونے والے افراد دماغی کمزوری کا شکار بھی ہو سکتے ہیں۔