صومالی بچوں کے بارے میںن یونیسیف کی رپورٹ

اقوام ِمتحدہ کے حکام نے کہا ہے کہ اگر صومالیہ میں بھوک اور غذائی قلت کے خاتمے کے لیے عالمی ادارے کو ایمرجنسی فنڈ کی مد میں رقم فراہم نہ کی گئی تو امسال غذائی قلت کے باعث صومالیہ میں پانچ سالتک کی عمر کے تقریباً دو لاکھ بچے ہلاک ہو سکتے ہیں۔
یونیسف کے ترجمان کرسٹوف بولیرک کا کہنا ہے کہ 15کروڑ ڈالر کی اپیل کیے جانے کے بعد یونیسف کو محض ایک کروڑ پانچ لاکھ ڈالر کا فنڈ فراہم کیا گیا ہے۔اگر فوری طور پر فنڈنگ نہ مہیا کی گئی تو یونیسف کو اگلے ایک ماہ کے اندر اندر افریقہ میں جاری طبی سہولیات کی فراہمی بند کرنا پڑے گی۔ انھوں نے اس طرف توجہ دلائی کہ صومالیہ میں پانچ برس یا اس سے کم عمر دو لاکھ بچے اس سال کے اختتام تک خوراک کی قلت کے باعث ہلاک ہو سکتے ہیں۔یونیسف صومالیہ میں طبی سہولیات کا 70 فی صد فراہم کر رہا ہے، جس میں ادویات، ٹیکے، سٹاف کی تنخواہیں اور ہسپتال کے جنریٹر چلانے کا خرچہ بھی شامل ہے۔