کیوبن پارلیمان نے امریکہ سے پابندیاں ہٹانے کا مطالبہ کردیا

 کیوبا کی  پارلیمان نے ملکی معیشت پر شدید بوجھ بننے والی پابندیوں کو ہٹانے کےلیے امریکہ سے مطالبہ کیا ہے۔

 دارالحکومت ہوانا میں پارلیمانی نشست کے دوران امریکہ سے مطالبہ کیا گیا کہ وہ  کیوبا ر عائد پابندیاں ختم کر دے۔

 نائب وزیر خارجہ کارلوس فرنانڈز ڈی کوسیو نے کہا کہ ان پابندیوں کا مقصد  کیوبا کے سوشلسٹ منصوبوں کو کامیابیوں سے روکنا ہے لیکن ہم ان کی مذمت  کرتے ہوئے اس کے خلاف سینہ سپر رہیں گے۔

 اس نشست میں  اسپینا سے متحدہ  بائیں بازو پارٹِ کے ممبران،بولیوئین پارلیمانی اسپیکر فریڈی ممانی ، کولمبیئن سینیٹر  گلوریا فلوریز ، میکسیکن انقلابی  پارٹی کی سینیٹر بیٹریس پاریدوس اور پی آر آئی کے رکن روبن موریریا بھی شامل تھے ۔

 دریں اثنا، صدر میگو ئیل دیاز کانیل نے امریکی سرمایہ کاروں کے ساتھ ملاقات کے دوران کہا تھا کہ ہم ملکی بقا کے احترام کے تحت امریکہ سے بات چیت کر سکتے ہیں۔