بھارت میں ٹیکس معاف کرنے کی مہم کے دوران دس بلین ڈالر کے اثاثے برآمد

بھارت میں ٹیکس معاف کرنے  کی مہم کے دوران   دس بلین ڈالر کے اثاثے  برآمد کرلیے گئے ہیں۔

بھارت کی وزارتِ خزانہ نے چار ماہ قبل  شروع کردہ اس مہم  کے بعد  دس بلین ڈالر کے اثاثے چھپائے جانے کا پتہ چلایا ہے۔

 بھارتی وزیر خزانہ ارون جیٹلی نے کہا ہے کہ کالا دھن ظاہر کرنے کی اسکیم کے تحت بھارتی شہریوں نے 65 ہزار 250 کروڑ روپے کا کالا دھن ظاہر کر دیا ہے ۔

انہوں نے کہا ہے کہ کل 64 ہزار 275 افراد نے اپنا کالا دھن ظاہر کیا۔ جن افراد نے یہ آمدنی ظاہر کی ہے انہیں سزا نہیں دی جائے گی مگر ان پر 45 فی صد ٹیکس اور جرمانہ ضرور لگے گا۔