ایس اینڈ پی نے یونان کی ریٹنگ کو گرا دیا

اسٹینڈرڈ اینڈ پوورز نے یونان کی درجہ بندی کو دوبارہ نیچے گرا دیا ہے۔
بین الاقوامی کریڈٹ ریٹنگ تنظیم اسٹینڈرڈ اینڈ پوورز نے یونان کی ریٹنگ کو CCC سے CCC- تک گرا دیا ہے تو اس کی اقتصادی توقع کو منفی پر چھوڑا ہے۔
ایس اینڈ پی کی سرکاری ویب سائٹ سے جاری کردہ اعلامیہ میں واضح کیا گیا ہے کہ یونانی حکومت کی طرف سے قرضوں کی شرائط پر ریفرنڈم کروانے کی قرار داد کے بعد اس کی کریڈٹ ریٹنگ کو سی سی سی نیگیٹو تک گرا دیا گیا ہے۔
اعلامیہ میں یہ بھی کہا گیا ہے کہ یونان کا یورو زون سے باہر ہونے کا احتمال 50 فیصد کے قریب ہے۔ اور اس کے مالی ذمہ داریوں کو پورا نہ کر سکنے کا احتمال قوی ہے۔
یونان کو آج بین الاقوامی مالیاتی فنڈ کو 1٫6 ارب ڈالر ادا کرنے ہیں تا ہم بعض حلقوں کا کہنا ہے کہ یہ ادائیگی نہ ہو پائے گی۔
خیال رہے کہ ایس اینڈ پی نے اس ملک کی درجہ بندی کو 11 جون کے روز CCC+ سے سی سی سی تک کم کر دیا تھا۔