پاکستان میں بھی کورونا گراف تواتر سے بلندی کی جانب مائل

دنیا بھر کا نقشہ بدل کر  رکھ دینے والے مہلک  اور موزی  مرض کورونا پاکستان میں دوسری لہر کا مشاہدہ ہورہا ہے،  یومیہ کیسز اور اموات کی تعداد میں بدستور  اضافے کا عمل جاری ہے۔

گزشتہ 24 گھنٹوں کے دوران 3 ہزار سے زائد افراد میں کورونا وائرس کی تشخیص ہوئی۔

کورونا وائرس کے اعداد و شمار سے متعلق سرکاری پورٹل کے مطابق ملک میں گزشتہ 24 گھنٹوں کے دوران کورونا 41 ہزار 115 ٹیسٹ کیے گئے جس میں سے 3 ہزار 119 میں وائرس کی تشخیص ہوئی جو 7.5 فیصد کی مثبت شرح ہے۔

ملک بھر میں ایک دن میں  کورونا سے مزید 43 افراد جاں بحق ہوگئے ہیں جس کے بعد کورونا سے اللہ کو پیارے ہونے والے افراد کی تعداد 8 ہزار  تک ہو گئی ہے۔

سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد 52 ہزار 359 ہے، جن میں سے 2 ہزار 441 کی حالت تشویشناک ہے۔