پاکستان میں کورونا کے فعال مریضوں کی تعداد میں پھر سے اضافہ

پاکستان میں  کورونا وائرس کے فعال مریضوں کی تعداد دوبارہ بڑھتے ہوئے  8 ہزار 884  تک ہوگئی ۔

 ملک میں گزشتہ 24 گھنٹوں میں کورونا کے553 نئے کیسز رپورٹ ہوئے جس کے بعد ملک بھرمیں مجموعی کیسز کی تعداد 3  لاکھ 13 ہزار 984 ہوگئی۔

اب تک 2 لاکھ 98 ہزار 593 مریض  کورونا کو شکست دیتے ہوئے صحتیاب بھی  ہوچکے ہیں۔ ایک دن میں  مزید 8 اموات رپورٹ ہوئیں جس کے بعد  ملک میں مجموعی جانی نقصان  6 ہزار 507 ہوگیا ہے۔

سندھ میں مریضوں کی تعداد ایک لاکھ 37 ہزار 783 ، پنجاب میں99 ہزار 665 خیبرپختونخوا 37 ہزار 908 ، اسلام آباد میں 16 ہزار 713، بلوچستان میں 15 ہزار 323 ، آزاد کشمیر 2 ہزار 776 اورگلگت بلتستان میں 3 ہزار 816 تعداد ہوگئی۔