وزیراعظم عمران خان کا بیرون ملک مقیم پاکستانیوں کو ہرممکن طریقے سے تعاون فراہم کرنے کے عزم کا اظہار
سماجی رابطے پرایک پیغام میں انہوں نے کہاکہ دنیا کے کسی بھی کونے میں رہنے والاپاکستانی حکومت کی ذمہ داری ہے۔ انہوں نے کوروناوائرس کی وباء کے بحران کے دوران بے مثال خدمات پرڈاکٹروں اور طبی عملے کے کردارکوسراہا
وزیراعظم عمران خان نے اپنی حکومت کے اس عزم کااظہارکیاہے کہ بیرون ملک مقیم پاکستانیوں کو ہرممکن طریقے سے تعاون فراہم کیاجائے گا۔
سماجی رابطے پرایک پیغام میں انہوں نے کہاکہ دنیا کے کسی بھی کونے میں رہنے والاپاکستانی حکومت کی ذمہ داری ہے۔
سرکاری اعدادوشمارکے مطابق کوروناوائرس کی وباء پھوٹنے کے بعدپروازوں کی معطلی کے باعث بیرون ملک پھنس جانے والے تقریباً دولاکھ پچاس ہزارپاکستانیوں کو تقریباً سترممالک سے وطن واپس لایاگیا۔
وزیراعظم نے کوروناوائرس سے پیدا ہونے والی صورتحال کے بارے میں کہاکہ ملک بھرمیں سمارٹ لاک ڈائون کی پالیسی کے مثبت نتائج سامنے آئے اور کوروناوائرس سے متاثرہ مریضوں اور اموات کی تعدادمیں نمایاں کمی آئی ہے۔
انہوں نے کوروناوائرس کی وباء کے بحران کے دوران بے مثال خدمات پرڈاکٹروں اور طبی عملے کے کردارکوسراہا۔
وزیراعظم نے شجرکاری مہم کے ذریعے ملک میں جنگلات کی تعدادبڑھانے کے لئے حکومت کی کوششوں پربھی اطمینان کااظہارکیا۔
متعللقہ خبریں
پاکستان: موسلا دھار بارشیں اور سیلابی ریلے، 17 افراد ہلاک، 23 زخمی
صوبہ خیبر پختون خوا میں 3 دن سے جاری موسلا دھار بارشوں کی وجہ سے 17 افراد ہلاک اور 23 زخمی ہو گئے