آزاد کشمیر کی سیاسی جماعتوں نے وزیر اعظم پاکستان کے فیصلے کو تسلیم کر لیا
آزاد کشمیر کی سیاسی جماعتوں نے وزیر اعظم عمران خان کے اقوام متحدہ سے خطاب تک ایل او سی کی طرف مارچ نہ کرنے کے فیصلے کو مشترکہ طور پر تسلیم کر لیا ہے
وزیر اعظم آزاد کشمیر فاروق حیدر کی زیر صدارت آزاد کشمیر کی سیاسی جماعتوں نے وزیر اعظم پاکستان کے فیصلے کو تسلیم کر لیا ہے۔
تفصیلات کے مطابق وزیر اعظم عمران خان کے فیصلے کو کہ ان کے اقوام متحدہ سے خطاب تک ایل او سی کی طرف مارچ نہ کی جائے۔ آزاد کشمیر کی سیاسی جماعتوں کی ایکشن کمیٹی نے مشترکہ طور پر تسلیم کر لیا ہے ۔
اجلاس کے بعد جاری کئے گئے اعلامیے کے مطابق ن لیگ، پی ٹی آئی اور پیپلز پارٹی آزاد کشمیر نے متفقہ طور پر یہ فیصلہ کیا ہے کہ مقبوضہ کشمیر میں بھارتی مظالم کے خلاف شہر شہر پُر امن احتجاجی مظاہرے کئے جائیں گے اور وزیر اعظم عمران خان کے اقوام متحدہ سے خطاب تک ایل او سی کی طرف مارچ نہیں کی جائے گی۔
علاوہ ازیں اجلاس میں، احتجاجی تحریک کو حتمی شکل دینے کے لئے، وزیر اطلاعات کی زیر نگرانی کمیٹی بھی قائم کی گئی ہے۔
متعللقہ خبریں
پاکستان: موسلا دھار بارشیں اور سیلابی ریلے، 17 افراد ہلاک، 23 زخمی
صوبہ خیبر پختون خوا میں 3 دن سے جاری موسلا دھار بارشوں کی وجہ سے 17 افراد ہلاک اور 23 زخمی ہو گئے