پاکستانی وزیر خارجہ کی جانب سے بھارتی ہم منصب کو تہنیتی خط

وزیرخارجہ پاکستان  شاہ محمود قریشی نے بھارتی وزیر خارجہ ایس جے شنکر کو تہنیتی پیغام  بھیجا ہے۔

شاہ محمود قریشی نے   اس ضمن میں ایک  خط  روانہ کرتے ہوئے  بھارتی وزیر کو عہدہ سنبھالنے پر مبارکباد دی ہے، خط  میں لکھا گیا ہے کہ پاکستان بھارت کے ساتھ تمام تصفیہ طلب مسائل پر بات چیت کیے جانے کا خواہاں ہے  اور  خطے میں امن و استحکام سے ہی  مشترکہ طور پر ترقی ممکن ہے۔

یاد رہے  کہ وزیراعظم پاکستان  عمران خان نے عام انتخابات میں کامیابی کے بعد اپنی پہلی تقریر میں کہا تھا کہ اگر بھارت ایک قدم آگے بڑھے گا تو پاکستان 2 قدم بڑھائے گا۔

انہوں  نے بھارتی ہم منصب نریندرا مودی کو خط بھی لکھا تھا جس میں انہوں نے پاک بھارت مذاکرات کی دوبارہ بحالی پر زور دیا تھا۔