بھارت کی پاکستانی سفارتکاروں کے جانی تحفظ پر عدم توجہ کشیدگی کا موجب بن رہی ہے

پاکستانی سفارت کاروں کو بھارت میں ہراساں کیے جانے کے جواز میں  پاکستان نے نئی دلی میں ہونے والی ڈبلیو ٹی او کانفرنس میں شرکت سے انکار کر دیا۔

 واضح رہے کہ  بھارت میں ورلڈ ٹریڈ آرگنائزیشن کا  اجلاس  منعقد ہو رہا ہے اور اس میں پاکستانی وفد کو وزیر تجارت کی سربراہی میں بھارت جانا  تھا،  تا ہم  بھارت میں پاکستانی سفارتکاروں اورہائی کمیشن عملے کے اہل خانہ کو گزشتہ کئی روز سے ہراساں کیا جارہا ہے،  اس حوالے سے پاکستان کے احتجاج کے باوجود  بھارتی وزارتِ خارجہ نے  اس معاملے کا کوئی نوٹس نہیں لیا۔  جس کے بعد پاکستان نے نئی دلی میں ڈبلیو ٹی او کانفرنس میں شرکت سے انکار کردیا ہے۔

سفارتی ذرائع کے مطابق تجارتی وفد کو بھارت نہ بھیجنے کا فیصلہ بھارتی غیر ذمہ دارانہ  رویے کے جواز میں کیا  گیا ہے کیوں کہ پاکستان کے لیے  اپنی خود داری مقدم ہے۔