اسلام آباد کے بعد لاہور مال روڈ کا دھرنا بھی ختم
یہ دھرنا حکومت اور تحریک لبیک کے درمیان مطالبات پر مصالحت قائم ہونے کے بعد پر امن طریقے سے ختم کیا گیا ہے
اسلام آباد کے بعد اب لاہور کے مال روڈ پر بھی گزشتہ ایک ہفتے سے جاری دھرنا ختم ہو گیا ہے۔
تحریک لبیک یارسول اللہ کے دوسرے دھڑے کے سربراہ ڈاکٹر اشرف آصف جلالی نے میڈیا کو بتایا ہے کہ ہماری جماعت نے 25 نومبر کو مال روڈ پر مطالبات کے حق میں دھرنا دیا، جنہیں حکومت نے 7 روز بعد قبول کر لیا ہے۔
دھرنا مظاہرین بھی وفاقی حکومت اور تحریک لبیک کے درمیان طے پانے والے معاہدے کی پابندی کریں گے، پنجاب حکومت صوبائی وزیر قانون رانا ثنااللہ کے متنازع بیانات پر کمیٹی تشکیل دے گی اور راجا ظفر الحق کی رپورٹ 20 دسمبر تک رائے عامہ کے سامنے آشکار کی جائیگی۔
ڈاکٹر اشرف آصف جلالی کا کہنا تھا کہ حکومت کو معاہدے پر عمل درآمد کے لیے ایک ماہ کی مہلت دی ہے، اس دوران اگر معاہدے پر عمل درآمد نہ ہوا تو دوبارہ سڑکوں پر نکلیں گے۔
انہوں نے واضح کیا کہ وہ وزیر قانون پنجاب رانا ثنا اللہ کے استعفے یا قانونی کاروائی کے مطالبے سے دستبردار نہیں ہوئے، بلکہ ان کے استعفیٰ اور آئین سے غداری کا معاملہ پیر حمیدالدین سیالوی کی عدالت پر چھوڑ دیا ہے۔
متعللقہ خبریں
ترک وزیر خارجہ کی پاکستانی ہم منصب سے ملاقات
دو طرفہ تعلقات اور ساتویں پاک ترک اعلیٰ سطحی سٹریٹجک کوآپریشن کونسل کی تیاریوں پر تبادلہ خیال