پاک قومی اسمبلی میں روہنگیا مسلمانوں کے حوالے سے تحریک التواء دائر

پاکستان تحریک انصاف نے قومی اسمبلی میں تحریک التواء جمع کراتے ہوئے میانمار میں مسلمانوں پر ڈھائے جانے  والے  خوفناک مظالم  پر فی الفور  بحث کا مطالبہ کیا ہے۔

تحریک التوا ء کی درخواست   پاکستان تحریک انصاف کے  رہنماؤں شاہ محمود قریشی، ڈاکٹر عارف علوی، شیریں مزاری، اسد عمر اور شفقت محمود نے جمع کرائی۔

اس درخواست میں کہا گیا ہے کہ لاکھوں  روہنگیامسلمانوں کے گھر نذر آتش کئے جا رہے ہیں، یہ ایوان میانمار میں مسلمانوں کے قتل عام کا معاملہ فوری طور پر اٹھائے، ایوان میں جامع بحث کی جائے اور اس حوالے سے  قومی لائحہ عمل سامنے لایا جائے۔