کلبھوش کو عام قیدی قرار دے کر بھارت حقائق کو جھٹلانے کی کوشش کر رہا ہے

پاکستان نے کلبھوش سے متعلق بھارتی وزارت خارجہ کے بیان کو مسترد کر دیا ہے اور کہا ہے کہ کلبھوش کو عام قیدی قرار دے کر بھارت حقائق کو جھٹلانے کی کوشش کر رہا ہے۔

پاکستان کی وزارت خارجہ کے ترجمان  نے کلبھوش جادھو کے معاملے پر بھارتی وزارت خارجہ کے بیان پر ردعمل ظاہر کیا ہے اور کہا ہے کہ پاکستانی قونصلر رسائی کے معاہدے پر اس کی روح کے مطابق عمل پیرا ہے۔

انہوں نے کہا کہ کلبھوش جادیو کو بھارت کی خفیہ ایجنسی را نے امن مخالف سرگرمیوں کے لئے پاکستان بھیجا تھا اور اس کا خود کلبھوش نے بھی اعتراف کیا ہے۔

دفتر خارجہ نے کہا ہے کہ کلبھوش کی سرگرمیوں سے پاکستانی شہریوں کی جان و مال کو نقصان پہنچا ہے۔

علاوہ ازیں دیگر قیدیوں کے بارے میں بات کرتے ہوئے دفتر خارجہ نے کہا ہے کہ پاکستان نے 22 جون کو سزا پوری کرنے والی 5 بھارتی قیدیوں کو واپس بھارت بھیج دیا ہے لیکن بھارتی جیلوں میں بند 20 پاکستانی قیدیوں کو سزا پوری ہونے کے باوجود رہا نہیں کیا گیا۔