وزیر اعظم نوازشریف کی نئےسعودی ولی عہد کو مبارکباد

وزیر اعظم نوازشریف نے سعودی فرمانروا شاہ سلمان کے صاحبزادے محمد بن سلمان السعود کو ولی عہد مقرر ہونے پر مبارکباد پیش کرتے ہوئے کہا ہے کہ ان کی قیادت میں سعودیہ ترقی کی منازل طے کریگا ۔ تفصیلات کے مطابق وزیر اعظم نواز شریف نے شہزادہ محمد بن سلمان کے لیے نیک خواہشات کا اظہار کیا۔

 وزیراعظم کا کہنا تھا کہ شہزادہ محمد بن سلمان کی قیادت میں سعودی عرب ترقی کی نئی منازل طے کرے گا۔ مسلم امہ کے روشن مستقبل کے لیے دونوں ممالک کی خواہشات یکساں ہیں۔

 وزیر اعظم نے پاک سعودی تعلقات کو مستقبل میں مزید مستحکم بنانے کے عزم کا اظہار بھی کیا اور کہا کہ پاکستان اور سعودی عرب مشترکہ مذہبی اقدار میں بندھے ہیں۔ دونوں ممالک کے مابین تعاون کو مزید فروغ دیا جائے گا۔ 

وزیر اعظم نے سعودی عرب میں امن و استحکام کیلئے نیک خواہشات کا اظہار کرتے ہوئے کہا کہ مسلم امہ کے بہترین مستقبل کیلئے دونوں ممالک کی خواہشات یکساں ہیں ۔