سانحہ سیہون شریف میں ہلاکتوں کی تعداد 88 تک جا پہنچی
جاں بحق تراسی افراد کی شناخت ہوگئی جن کی میتوں کو لواحقین کے حوالے کیا جا رہا ہے
سہیون شریف میں گزشتہ روز ہونے والے مذموم خودکش حملے میں ہلاک شد گان کی تعداد 88 تک جا پہنچی ہے جن میں خواتین اور بچے بھی شامل ہیں۔ اس دوران 250 سے زائد افراد زخمی ہوئے ۔
جمعرات کی شام سات بج کر دس منٹ پر حضرت لعل شہباز قلندر کے مزار پر زائرین دھمال ڈال رہے تھے ، خواتین ، بچوں سمیت ہزاروں زائرین درگاہ پر موجود تھے ۔
درگاہ کے اندرونی حصے میں ایسا زور دار دھماکہ ہوا کہ ہر طرف اندھیرا اور دھول چھا گئی ۔ یہ دھماکہ اس قدر شدید تھا کہ انسانی اعضا دور دور تک بکھر گئے ۔ ہلاک شد گان میں 20 بچے اور 12 خواتین بھی شامل ہیں ۔ 250 سے زائد زخمی مختلف ہسپتالوں میں زیر علاج ہیں کہ جن میں سے بعض کی حالت تشویشناک ہے ۔
اسپتال انتظامیہ کے مطابق دھماکے میں جاں بحق تراسی افراد کی شناخت ہوگئی جن کی میتوں کو لواحقین کے حوالے کیا جا رہا ہے ، بڑی تعداد میں زخمیوں کا کراچی کے ہسپتالوں میں بھی علاج ہورہا ہے ۔
متعللقہ خبریں
پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا
آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے