بھارتی فوج کی لائن آگ کنٹرول پر جارحیت جاری
شدید فائرنگ کے باعث وادی نیلم کے سیاحتی علاقے کے ہوٹل مالکان، سیاح اور مقامی آبادی خوف و ہراس کا شکار ہیں
بھارتی فوج کا لائن آف کنٹرول پر بلااشتعال فائرنگ کا سلسلہ تواتر سے جاری ہے۔
پاک فوج کے شعبہ تعلقات عامہ (آئی ایس پی آر) کے مطابق وادی نیلم کے کیرن سیکٹر پر بھارتی فوج کی بلااشتعال فائرنگ کا سلسلہ جاری ہے۔ بھارتی فوج کی جانب سے آج صبح سے ہی فائرنگ کی جارہی ہے جبکہ مارٹر گولے بھی برسائے جارہے ہیں جبکہ پاک فوج نے بھی بھرپورجوابی کارروائی کی ہے ۔ تاہم دونوں جانب سے کسی جانی نقصان کی اطلاعات نہیں ہیں۔
شدید فائرنگ کے باعث وادی نیلم کے سیاحتی علاقے کے ہوٹل مالکان، سیاح اور مقامی آبادی خوف و ہراس کا شکار ہیں۔
گزشتہ روز بھی بھارتی فوج نے کنٹرول لائن کے بھمبھر اور نکیال سیکٹر پر شدید فائرنگ کی تھی جس کے نتیجے میں 1 شہری شہید ہوگیا تھا ۔
متعللقہ خبریں
ترک وزیر خارجہ کی پاکستانی ہم منصب سے ملاقات
دو طرفہ تعلقات اور ساتویں پاک ترک اعلیٰ سطحی سٹریٹجک کوآپریشن کونسل کی تیاریوں پر تبادلہ خیال