بیس جولائی کو پاکستان بھر میں یوم سیاہ منانے کا اعلان

حکومت پاکستان نے مقبوضہ کشمیر میں بھارتی جارحیت کے خلاف 20 جولائی کو ملک بھر میں یوم سیاہ منانے کا اعلان کیا ہے۔

ذرائع کے مطابق وزیراعظم نوازشریف کی ہدایت پر19 جولائی کو ملک بھرمیں یوم الحاق کشمیر منایا جائے گا، اسی طرح   20 جولائی کے روز  کشمیری عوام پربھارتی ظلم و ستم کے خلاف یوم سیاہ منایا جائے گا۔

خیال رہے  کہ مقبوضہ کشمیرمیں گزشتہ 9  دنوں میں  قابض بھارتی فوج کی  فائرنگ سے 40 سے زائد بے گناہ کشمیری جام شہادت نوش کرچکے ہیں۔

علاقے میں کرفیو نافذ ہے جس سے  روز مرہ کی زندگی مفلوج ہو کر رہ  گئی ہے۔  دوسری جانب  متعدد  حریت رہنماؤں کو نظربند کردیا گیا ہے۔