پشاور میں دو بم دھماکے ایک پولیس اہلکار جاں بحق ، 15 افراد زخمی
متھرا میں یکے بعد دیگرے دو بم دھماکوں میں ایک پولیس اہلکار جاں بحق جب کہ متعدد پولیس اہلکاروں سمیت 15 افراد زخمی ہو گئے۔
492946
متھرا میں یکے بعد دیگرے دو بم دھماکوں میں ایک پولیس اہلکار جاں بحق جب کہ متعدد پولیس اہلکاروں سمیت 15 افراد زخمی ہو گئے۔
پشاور کے علاقے متھرا میں پہلا دھماکا آئی ای ڈی کے ذریعے پولیس موبائل کے قریب کیا گیا جس میں متعدد پولیس اہلکار زخمی ہوئے۔ دھماکے کے فوری بعد بم ڈسپوز اسکواڈ، ریسکیو ٹیمیں اور میڈیا کے نمائندے جائے وقوعہ پر پہنچے ہی تھے کہ ایک اور دھماکا ہو گیا۔
ریسکیو حکام کے مطابق 6 پولیس اہلکاروں سمیت 15 افراد کو لیڈی ریڈنگ اسپتال منتقل کیا گیا جہاں ایک پولیس اہلکار زخموں کی تاب نہ لاتے ہوئے دم توڑ گیا جب کہ دیگر زخمیوں کو طبی امداد دی جا رہی ہے۔ پولیس نے علاقے کا محاصرہ کر کے سرچ آپریشن شروع کردیا ہے۔
