پاک بھارت تنازعے اور افغان مسئلے کا حل خطے میں امن کے لیے ناگزیر ہیں

اقوام متحدہ میں پاکستان کی مستقل مندوب ملیحہ لودھی کا کہنا ہے کہ افغان مسئلے کا حل اور پاک بھارت تنازعات کا خاتمہ قیام امن کیلئے ناگزیر ہے۔

اقوام متحدہ میں پاکستان کی مستقل مندوب ملیحہ لودھی  نے  ہارورڈ یونیورسٹی میں کینیڈی اسکول کے زیر اہتمام سیمینار سے خطاب میں کہا کہ چین سے تعلقات پاکستان کی خارجہ پالیسی میں انتہائی اہمیت کے حامل  ہیں، پاک چین اقتصادی راہداری  ہماری علاقائی معاشی تعاون کی مثال ہے ۔ پاکستان مستقبل میں بھی امریکہ اور چین دونوں کے ساتھ دوستانہ تعلقات رکھے گا۔

انہوں نے مزید کہا  کہ معاشی استحکام، دہشت گردی کا خاتمہ اور علاقائی امن و استحکام پاکستان کی قومی ترجیحات ہیں اور  افغانستان کے مسئلے کا حل اور پاک بھارت تنازعات کا خاتمہ خطے میں قیام امن کے لیے ناگزیرہے۔