پاک بحریہ کے میزائل ضرب کا کامیاب تجربہ

پاک بحریہ نے ساحل سے بحری جنگی بحری جہازوں کو ہدف بنانے والے ' ضرب ' نامی میزائل کی لانچنگ کا کامیاب تجربہ کیا ہے۔

پاک بحریہ کےترجمان کی جانب سے جاری کردہ بیان کے مطابق پاک بحریہ کی جانب سے ساحل سے بحری جنگی جہازوں کو نشان بنانے والے میزائل کو ساحلی علاقے سے داغا گیا اوراس نے سمندرمیں موجود اپنے ہدف کوکامیابی کے ساتھ نشانہ بنایا۔ جس کے بعد اس میزائل کو پاک بحریہ کے اسلحہ میں شامل کر دیا گیا ہے۔

میزائل کے تجربے کے دوران پاک بحریہ کے سربراہ ایڈمرل ذکا اللہ اورڈپٹی چیف آف نیول اسٹاف آپریشنزسمیت دیگر اعلیٰ عسکری افسران بھی موجود تھے ، ایڈمرل ذکا اللہ اورڈپٹی چیف آف نیول اسٹاف آپریشنز نے ''ضرب'' کے اس کامیاب تجربے کے بعد اس کی تیاری میں شامل ماہرین اور دیگر عملے کی کی کوششوں کو سراہا۔

انہوں نے کہا کہ پاک بحریہ میں شامل کیا جانے والا یہ نیا میزائل سسٹم ہماری حربی صلاحیتوں میں اضافے کی کاوشوں کا ایک دوام ہے۔ جس کا کامیاب تجربہ اور ملک کی سمندری حدود کے دفاع کو مزید مضبوط بنانے کے لیے اہم قدم اور ہماری حربی تیاریوں کی سند پر مہر ہے۔