وزیر اعظم نواز شریف کے خلاف عدالتی کاروائی کی درخواست منظور

پاناما لیکس کی بنیاد پر وزیراعظم میاں نواز شریف کو نااہل قرار دینے کی درخواست لاہور ہائی کورٹ نے سماعت کے لیے منظور کرلی۔

تحریک انصاف لائرز فورم کے نائب صدر گوہرن واز سندھو نے پاناما لیکس کی بنیاد پر وزیراعظم نواز شریف کو نا اہل قراردینے کے لیے لاہورہائی کورٹ میں درخواست دائر کی۔

درخواست میں لکھا گیا ہے کہ سیاست دانوں نےملکی دولت لوٹ کربیرون ملک اثاثےبنائے ہیں، پاناما لیکس کی دستاویزات کی روشنی میں ان سیاستدانوں کو نااہل قرار دیا جائے اور ان کے خلاف منی لانڈرنگ کا مقدمہ درج کیا جائے ۔

واضح رہے کہ وکی لیکس کے بعد پاناما دستاویز کا انکشاف ہونے نے پاکستان سمیت دنیا بھرمیں ہلچل مچادی، آئس لینڈ کے وزیر اعظم اسی بنا پر اپنے عہدے سے مستعفی ہو گئے ہیں۔

پاکستان سے وزیر اعظم نواز شریف کے علاوہ ان کے کنبے کے دیگر ممبران کے نام بھی انکشاف کردہ فہرست میں شامل ہیں۔