چودہویں استنبول شیفس فسیٹویل میں پاکستان نے کامیابیوں کے جھنڈے گاڑھ دیے
پاکستانی شیفس کی کارکردگی سب کی توجہ کا مرکز بنی ہوئی تھی۔ پاکستانی شیفس نے اس مقابلے میں 15 طلائی، 13 نقرئی اور ایک کانسی کا تمغہ حاصل کرنے کے ساتھ ساتھ چار خصوصی ایوارڈز حاصل کیے
استنبول میں منعقد ہونے والے 14 ویں شیفس مقابلے میں جس میں پاکستان کے 45 رکنی وفد نے پاکستان کی نمائندگی کی میں پاکستانی شییفس نے کامیابیوں کے جھنڈے گاڑھ دیے۔
پاکستانی شیفس کی کارکردگی سب کی توجہ کا مرکز بنی ہوئی تھی۔ پاکستانی شیفس نے اس مقابلے میں 15 طلائی، 13 نقرئی اور ایک کانسی کا تمغہ حاصل کرنے کے ساتھ ساتھ چار خصوصی ایوارڈز حاصل کیے جبکہ اعلیٰ کارکردگی کا مظاہرہ کرنے پر 30 شیفس کو سرٹیفیکٹس بھی تقسیم کیے گئے۔ اس مقابلے میں 25 ممالک سے دو ہزار سے زائد شیفس نے 25 مختلف کیٹگریز میں حصہ لیا تھا ۔
پاکستانی شیفس کی کارکردگی کو بین الاقوامی شیفس اور جیوری کی جانب سے سراہا گیا ۔ اس موقع پر استنبول میں پاکستان کے کونسلر جنرل ڈاکٹر یوسف جنید نے COHTM ہوٹل کے سی او احمد شفیق کے ہمراہ مقابلوں کو دیکھا اور پاکستانی شیفس سے ملاقات کی۔ اس موقع پر پاکستان کے استنبول میں کونصلر جنرل جنید یوسف نے پاکستانی شیفس کی کارگردگی کو قابل فخر قرار دیا۔
COHTM پاکستان اور پاکستان شیفس یونین کے اشتراک سے پاکستانی کے شیفس کی قومی ٹیم کو تشکیل دیا گیا تھا اور اس مقابلے میں شرکت کے لیے تعاون فراہم کیا تھا۔