ہلاک ہونے والے پاکستانیوں کی تعداد پندرہ ہو گئی

مسجد حرام میں کرین حادثے میں ہلاک ہونے والے پاکستانیوں کی تعداد پندرہ ہو گئی ۔
العربیہ نیوز کے مطابق مرنے والوں میں پاکستان کے پندرہ شہری بھی شامل ہیں جبکہ مصر کے تئیس بھارت کے دس ، ایران کے پچیس ، ملائیشیا کے چھ ، بنگلہ دیش کے پچیس اور افغانستان و الجیریا کا ایک ایک باشندہ شامل ہیں ۔
زخمی ہونے والے چھتیس پاکستانی افراد ہسپتالوں میں زیر علاج ہیں ۔
جمعے کی شام کو مسجد حرام میں پیش آنے والے حادثے میں ایک سو سات افراد شہید جبکہ دو سو سے زائد زخمی ہوئے ہیں ۔