بھارتی جارحیت کا اقوام متحدہ نوٹس لے

اقوام متحدہ میں پاکستانی کی مندوب ملیحہ لودھی نے سلامتی کونسل کے صدر سے ورکنگ باؤنڈری اور ایل او سی پر بھارتی اشتعال انگیزی کا نوٹس لینے کا مطالبہ کیا ہے۔
مندوب ملیحہ لودھی نے سلامتی کونسل کے صدر کو ایک خط روانہ کرتے ہوئے مطالبہ کیا ہے کہ اقوام متحدہ دونوں ممالک کے درمیان ہونے والے فائر بندی کے معاہدے پر عمل درآمد کے لئے اپنا مکمل کردار ادا کرے اور بھارتی اشتعال انگیزی کو ختم کرائے۔
انہوں نے کہا ہے کہ بھارت کی جانب سے ورکنگ باؤنڈری اور ایل او سی پر فائر بندی کی متواترخلاف ورزی کی جاری ہے ، خاصکر گزشتہ ماہ ان میں تیزی آئی ہے۔ محض ماہ اگست میں 20 عام شہری شہید اور تقریباً 100 زخمی ہوئے۔ اقوام متحدہ کو خاص طور پر ان کارروائیوں کا نوٹس لینا چاہیے۔
ملیحہ لودھی نے مزید کہا ہے اقوام متحدہ کے ڈپٹی سیکرٹری جنرل برائے امن کو بھی صورتحال سے آگاہ کر دیا ہے جب کہ اقوام متحدہ کے مبصر گروپ برائے پاکستان و بھارت کو بھی تحقیقات کرنی چاہئیں۔