پاکستان روس سے یاک 130 طیاروں کی خرید کا طلبگار

پاکستان روس سے تربیتی طیارے یاک 130 خریدنے کا متمنی ہے۔
خیال رہے کہ پاکستان نے حال ہی میں ایم آئی 35 قسم کے جنگی ہیلی کاپٹر خریدنے کا معاہدہ طے کیا تھا۔
دفاعی نیوزسائٹ ڈیفنس ورلڈکے مطابق گو کہ پاک فضائیہ امریکی ایف 16 اورچینی جے ایف تھنڈرجیسے جدید جنگی طیاروں کواستعمال کرتی ہے۔ تا ہم اس کے پاس جدیدجنگی تربیتی طیارے نہیں ہیں۔ صنعتی ذرائع نے دفاعی نیوز سائٹ کو بتایاکہ پاک فضائیہ کے حکام اسلحے کی کئی نمائشوں کے موقعوں پر یاک 130 بنانے والی کمپنی روزوبورن ایکسپورٹ کے ایگزیکٹوز سے اس حوالے سے بات چیت کرتے رہے ہیں۔