جنرل راحیل کی اسلام آباد میں نواز شریف سے ملاقات
ملاقات میں کراچی کی موجودہ صورتحال اور ضرب عزب آپریشن سمیت ملکی سلامتی سے متعلق اہم امور پر بات چیت کی گئی۔دونوں رہنماؤں نے کراچی میں پیش آنے والے سانحہ صفورا گوٹھ کی تحقیقات، پاکستان میں غیر ملکی ایجنسیوں کی موجودگی پر غور
پاکستان کی بری فوج کے سربراہ جنرل راحیل شریف نے پیر کو اسلام آباد میں وزیراعظم محمد نواز شریف سے ملاقات کی۔ انہوں نے قومی سلامتی کی صورتحال سے متعلق معاملوں پر تبادلہ خیال کیا۔
ملاقات میں کراچی کی موجودہ صورتحال اور ضرب عزب آپریشن سمیت ملکی سلامتی سے متعلق اہم امور پر بات چیت کی گئی۔
دونوں رہنماؤں نے کراچی میں پیش آنے والے سانحہ صفورا گوٹھ کی تحقیقات، پاکستان میں غیر ملکی ایجنسیوں کی موجودگی اور ان کی منفی سرگرمیوں سے نمٹنے کی پالیسی پر بھی غور کیا۔
آج وزیر اعظم نے حکمران جماعت پاکستان مسلم لیگ - ن کے اہم رہنماؤں کے ایک مشاورتی اجلاس کی بھی صدارت کی۔
اجلاس میں مشیر برائے خارجہ امور سرتاج عزیز، وزیر خزانہ اسحاق ڈار، وزیر دفاع خواجہ آصف، قومی سلامتی کے مشیر طارق فاطمی اور دیگر نے شرکت کی۔
اجلاس میں بھی میں ہندوستان کی خفیہ ایجنسی را کی کاروائیوں سے نمٹنے سمیت اہم سیاسی اوراقتصادی امور پر تبادلہ خیال کیا گیا۔
متعللقہ خبریں
ترک وزیر خارجہ کی پاکستانی ہم منصب سے ملاقات
دو طرفہ تعلقات اور ساتویں پاک ترک اعلیٰ سطحی سٹریٹجک کوآپریشن کونسل کی تیاریوں پر تبادلہ خیال