انقرہ میں نئے سفیر پاکستان نے سفارتی اسناد پیش کر دیں

انقرہ میں متعین ہونے والے پاکستان کے نئے سفیر جناب سہیل محمود نے ترک صدر رجب طیب ایردوان کو سفارتی اسناد پیش کرتے ہوئے اپنے فرائض کو سرکاری طور پر شروع کر دیا ہے۔
پاکستانی سفیر نے یہ اسناد 14 مارچ بروز جمعہ پیش کیں۔
ایوانِ صدارت میں سفارتی اسناد پیش کرنے والے سفیر سہیل محمود نے صدر ایردوان کو پاکستان کے صدر ممنون حسین اور وزیر اعظم نواز شریف کا خصوصی سلام ِ محبت پیش کیا ۔ انہوں نے اس موقع پر پاکستانی عوام اور سربراہان کی ترک عوام کے ساتھ گہری محبت اور احترام کو زیر لب لاتے ہوئے کہا کہ ترکی میں سفیر کے فرائض ادا کرنا ایک امتیازی خصوصیت کا حامل ہے۔
سفیر سہیل محمود نے مزید بتا یا کہ پاک ترک کی بنیادوں میں ثقافتی و تاریخی مشابہت پوشیدہ ہے اور پروان چڑھنے والی یہ حصہ داری دونوں ملکوں کے لیے وسیلہ طاقت ثابت ہو رہی ہے۔ دونوں ملکوں کی مشترکہ کاوشوں سے باہمی تجارتی و معاشی شراکت داری کو بھی فروغ ملے گا۔
پاکستانی سفیر اور سفارتخانے کے دیگر افسران نے اولین طور پر مزار اتاترک پر حاضری دیتے ہوئے پھول چڑھائے۔

صدر ایردوان نے بھی جناب سہیل محمود کو خوش آمدید کہتے ہوئے نیک تمناؤں کا اظہار کیا اور بطور ِ سفیر پاک ترک دوستی کو مزید پروان چڑھانے کے لیے معاون ثابت ہونے کی خواہش ظاہر کی اور پاکستانی قیادت کے لیے بھی مخلصانہ خواہشات کا اظہار کیا۔