بھارتی فوج کی طرف سے ایک بار پھر بلا اشتعال فائرنگ

بھارتی بارڈر سیکورٹی فورسز نے ایک بار پھر کنٹرول لائن پر فائرنگ کی ہے۔
ایک طرف دوستی کی باتیں ہو رہی ہیں تو دوسری جانب بھارتی فوج بلا اشتعال فائرنگ کی حرکات کو جاری رکھے ہوئے ہے۔ بھارتی وزیراعظم کے پاکستانی نواز شریف کو ٹیلی فون کے چوبیس گھنٹے گزرنے سے پہلے ہی بھارتی فوج نے انسانیت اور عالمی قوانین کو فراموش کرتے ہوئے فائر کھول دیا۔
بھارتی بارڈر سیکورٹی فورسز نے کنٹرول لائن پر ایک بار پھر بلا اشتعال گولہ باری کی جس میں راولا کوٹ سیکٹر کی سرحدی آبادیوں کو نشانہ بنایا گیا۔ گولہ باری سے کھیتوں میں کام کرتا ساٹھ سالہ محمد اسلم جام شہادت نوش کر گیا۔ بلا اشتعال گولہ باری سے دیگر دیہات میں بھی شدید خوف و ہراس پھیل گیا۔
پاک فوج نے اس کے جواب میں فوری طور پر رد عمل کا مظاہرہ کیا اور توپوں کی آوازیں بند کرا دیں۔ رواں مہینے بھارت سیالکوٹ ورکنگ باؤنڈری پر بھی متعدد بار بلا اشتعال گولہ باری کر چکا ہے