حکومت پاکستان تحریک انصاف کے ساتھ مذاکرات کے لیے تیار

وفاقی وزیر خزانہ اسحاق ڈار نے اسلام آباد میں پریس کانفرنس سے خطاب کرتے ہوئے کہا کہ وفاقی حکومت نے پاکستان تحریک انصاف کے ساتھ غیر مشروط مذاکرات شروع کرنے پر رضامندی ظاہر کردی ہےلیکن انہوں نے پی ٹی آئی سے احتجاجی مظاہرے بند کرنے کا مطالبہ کیا ہے ۔ انہوں نے وزیر اعظم میاں محمد نواز شریف کی ہدایت پر یہ اعلان کیا ہے۔ انھوں نے کہا کہ عمران خان بھی اپنی مذاکراتی ٹیم کا اعلان کریں۔ حکومت کی مذاکراتی ٹیم میں ن لیگ کے رہنما احسن اقبال بھی ان کے ہمراہ ہوں گے۔ اسحاق ڈار نے اس بات کا اعادہ کیا کہ وزیراعظم کے استعفے کا مطالبہ غیر آئینی اور غیر قانونی تھا۔ کسی بھی منتخب وزیراعظم کو اس طرح کی خواہش پر اقتدار سے نہیں ہٹایا جاسکتا۔
عمران خان نے اس اعلان کا خیر مقدم کیا ہے لیکن جبکہ شیریں مزاری کا کہنا ہے کہ مذاکرات کا آغاز وہیں سے دوبارہ شروع ہونا چاہئے جہاں سے معطل ہوا تھا۔