صدر مملکت ممنون حسین کا ایئر یونیورسٹی میں خطاب

صدر مملکت ممنون حسین نے ایئر یونیورسٹی میں توانائی نظام اور پالیسیوں کے بارے میں بین الاقوامی کانفرنس کا افتتاح کیا ۔ انھوں نے ملک کی سماجی و اقتصادی ترقی کے لئے توانائی کی پیداوار کے پائیدار اور مستعد نظام کو بنیادی تقاضا قرار دیتے ہوئے کہا ہے کہ حکومت توانائی کی قلت کے مسئلے کی شدت سے بخوبی آگاہ ہے اور ملک میں پائیدار، محفوظ، سستی اور ماحول دوست توانائی کو یقینی بنانے کے لئے موثر اقدامات اٹھا رہی ہے۔ صدر مملکت نے کہا کہ توانائی قومی معیشت کے لئے ناگزیر ہے۔توانائی کے فقدان نے نہ صرف عام آدمی کی زندگی کو متاثر کیا ہے بلکہ یہ ملک کی اقتصادی ترقی کی راہ میں بھی رکاوٹ ہے۔