آزادی مارچ رکوانے کی درخواست پر فل بنچ تشکیل
لاہور ہائی کورٹ میں درخواست گزار کے وکیل اے کے ڈوگر نے موقف اختیار کیا تھا کہ تحریک انصاف کے اسلام آباد میں چودہ اگست کو ہونے والے لانگ مارچ سے ملک میں انتشار جنم لے گا ۔فل بینچ 14 اگست کو آزادی مارچ کو رکوانے کے لئے دائر درخواستوں کی سماعت کرے گا
تحریک انصاف کا آزادی مارچ رکوانے کے لئے دائر درخواستوں کی سماعت کے لئے لاہور ہائی کورٹ کا فل بینچ تشکیل دے دیا گیا ہے۔
لاہور ہائی کورٹ میں درخواست گزار کے وکیل اے کے ڈوگر نے موقف اختیار کیا تھا کہ تحریک انصاف کے اسلام آباد میں چودہ اگست کو ہونے والے لانگ مارچ سے ملک میں انتشار جنم لے گا ۔
چیف جسٹس لاہور ہائی کورٹ نے جسٹس خواجہ امتیازاحمد نے جسٹس خالد محمود خان کی سربراہی میں عدالت عالیہ کا 3 رکنی فل بینچ تشکیل دے دیا ہے، بینچ میں جسٹس خالد محمود خان کے علاوہ جسٹس انوارالحق اور جسٹس شاہد حمید ڈار بھی شامل ہیں، فل بینچ 14 اگست کو تحریک انصاف کے آزادی مارچ کو رکوانے کے لئے دائر درخواستوں کی سماعت کرے گا۔
واضح رہے کہ آزادی مارچ کو رکوانے کے لئے دائر درخواستوں کی سماعت جسٹس خالد محمود خان کررہے تھے تاہم بعد میں انہوں نے چیف جسٹس لاہور ہائی کورٹ سے ان درخواستوں کی سماعت کے لئے فل بینچ تشکیل دینے کی سفارش کی تھی۔
متعللقہ خبریں
ترک وزیر خارجہ کی پاکستانی ہم منصب سے ملاقات
دو طرفہ تعلقات اور ساتویں پاک ترک اعلیٰ سطحی سٹریٹجک کوآپریشن کونسل کی تیاریوں پر تبادلہ خیال
